Serok Barzanî pêswazî li sanda Tevgera Babiliyon kir

PeyamaKurd - Serok Mesûd Barzanî îro Yekşemê 27ê Sibata 2022yan pêşwazî li şanda Tevgera Babiliyon a Iraqê ya bi serokatiya Reyan Kildanî kir.

Piştî civînê hat ragihandin ku di hevdîtinê de, rewşa siyasî û geşedanên dawî yên nava proseya siyasî ya Iraqê hatine guftûgokirin.

Herwiha di hevdîtinê de, tekezî li parastina mafên destûrî yên pêkhateyên Iraqê û hevahengî û nêzîkbûna di navbera wan de hate kirin.

Di beşeke din a civînê de jî şanda mêvan pêzanîna xwe ji bo rola Herêma Kurdistanê di piştevanîkirina pêkhateyên olî û netewî yên Iraqê de nîşan da.