Serokê Herêma Kurdistanê, dê dîroka hilbijartinan eskere bike

PeyamaKurd- Serokê Dîwana Serokatiya Herêma Kurdistanê Fewzî Herîrî ragihand ku Serokê Herêma Kurdistanê dê di nav 2 mehên pêş de dîroka hilbijartinên Parlamentoya Kurdistanê eşkere bike.

Fewzî Herîrî, li ser hilbijartinên Parlamentoya Kurdistanê, daxuyaniyek da rojnamevanan û da zanîn ku ew ê din av herdu mehên pêş de dê roja hilbijartinan were eşkerekirin. Herîrî got,

“Em wekî Serokatiya Herêma Kurdistanê, erkê me yê yasayî ye ku roja hilbijartinan diyar bikin û Serokê Herêmê jî dê di nav 2 mehên bê de roja hilbijartinê diyar bike.

Erkê Firaksiyona Partiya Demokrat a Kurdistanê (PDK), Yekîtiya Niştimanî ya Kurdistanê (YNK) û aliyên din ên siyasî ye ku çi di warê yasaya hilbijartinan de û çi di yên din de divê nakokiyên di navbera xwe de çareser bikin.”

Di sala 2013an de li Herêma Kurdistanê yasaya hilbijartinan hat pesendkirin û di nav de tê eşkerekirin ku herêm yek bazne ye, lê hinek hêz dixwazin yasayê sererast bikin û Herêmê bikin çar bazneyan.