Serokê Herêma Kurdistanê efû ji bo hezar û 659 kesan derxist

PeyamaKurd – Serokê Herêma Kurdistanê Nêçîrvan Barzanî, efû ji bo hezar û 659 kesên ku biryara girtina wan heye derxist.

Li gor Şêwirmendê Serokê Herêma Kurdistanê Dilşad Şehab diyar kiriye, wan kesan “tu sûc nekirine û ji bo civakê ne metirsî ne.”

Dilşad Şehab daye zanîn: “Ji bo hejmara zêde ya kesên ku ji dadgehê reviyane, ango li Herêma Kurdistanê hejmarek heye ku tê de zêdetirî 3 hezar kes li dadgehê tên xwestin, lê ew neçûne pêşberî dadgehê, polîsan ew negirtine an jî rêkarên yasayî li gel wan nehatiye kirin, ev jî nîşan dide ku hejmarek tohmetbar hene, niha li derveyî welat in, lê nayên girtin.”

Hat zanîn ku beşek ji wan kesên ku ji hêzên navxweyî derketine, niha karên din dikin lê belê ji ber ku bêyî îstifa xwe îstifa kirine biryara girtinê heye û li gorî qanûnê cezayê nexwestiyê li wan tê birîn.

Şêwirmendê Serokê Herêma Kurdistanê eşkere kiriye, ji sala 2000î û vir ve dibe ku di nava kesên ku efûya wan di nav de heye, mirovên ku ceza li wan hatiye birîn hebin, Ji ber çi sedemê îstifa kiribe jî, ji bo îstifa wî bê qebûlkirin û prosedur temam bibin, prosedur temam nekirine. Di nav wan kesên ku lêborîna hanê heye, dibe ku kesên ji sala 2000î ve cezayê xwe derbas kirine, ji ber çi sedemê be dest ji kar berdaye, lê prosesa qebûlkirina îstifaya xwe temam nekiriye.

Herwiha Dilşad Şehab naveroka biryara Serokoatiya Herêma Kurdistanê zelal kiriye û destnîşan kiriye, eger kesekî tawanekî din kiribe, milkê dewletê li ser be, ew nakeve ber biryarê.

Herî dawî Şêwirmendê Serokê Herêma Kurdistanê da zanîn: “Ev kes ne sûcdar in ku li dijî mafên giştî yan taybet sûc kirine. Binpêkirina îdarî kirine, wekî din tu metirsiyê li ser civakê nakin.”