Serokomarê Îranê: Hilbijartina min derfetek ji bo rûbirûna pirsên welat û herêmê çêkir

PeyamaKurd - Serokomarê nû yê Îranê Mesûd Pizişkîyan, îro 30yê Tîrmehê di merasîma sondxwarinê ya destbikarbûnê de ku serok û nûnerên gelek welatan beşdarî kir, gotarek pêşkeşkir. Pizişkiyan got, niha Îran kar dike pêwendiyên xwe bi welatan re li ser bingeha hîkmet û berjewendiyan ava bike.

Serokomarê nû yê Îranê Mesûd Pizîşkiyan diyar kir, hilbijartina wî wek serokomarê nû yê Îranê dê erk û berpirsyariyên wî zêde bike û derfetekê peyda bike ji bo baştir têgihîştina pirsên welat û navçeyê daku rûbirûyî wan bibin.

Herwiha got Pizişkişan got: “Em ji bo rakirina cihêkariyê di nav civakê de dixebitin. Her kes xwedî rûmeta xwe ye.”

Serokomarê Îranê bal kişand ser ku li Îranê zemîneke nû ji bo zêdekirina têkilî û hevahengiya di navbera saziyên dewlet û hikûmetê de derketiye holê û erkên hevpar hildigirin ser xwe, bi taybetî ku hikûmet xwe xwediyê taybetmendiyên civakê dibîne.

Serokomarê nû yê Îranê da zanîn ku pêwîstiya Îranê bi derbaskirina rewşa aloz a niha heye û got: “Jin û ciwanên Îranî zincîrek bi hev ve girêdayî ne û derfetek din ji her kesî re peyda dikin ku beşdarî derbaskirina zehmetiyan bibin.”

Hêjayî gotinê ye, îro bi beşdariya zêdetirî 70 şandên biyanî û 600 rojnamevanên îranî û biyanî, merasîma sondxwarina Mesûd Pizîşkiyan birêve diçe ku Serokê Herêma Kurdistanê Nêçîrvan Barzanî jî bi fermî ji bo beşdarbûna wê merasîmê hatiye vexwendin.