Serokwezîrê Iraqê Sûdanî fermana alîkariyê dide Lubnanê

PeyamaKurd – Hat ragihandin ku Serokwezîrê Iraqê Muhammed Şîa Sûdanî piştî ku Îsraîl li Lubnanê ket û pager teqand, ferman da ku ekîbên alîkariyê yên tenduristiyê û lezgîn ji Iraqê bên şandin Lubnanê.

Li gorî nûçeya ajansa fermî ya Iraqê INAyê, Berdevkê Hikûmeta Iraqê Basim Awadî derbarê mijarê de daxuyaniyek da.

Awadî got: “Hikûmeta Iraqê geşedanên cidî yên ewlehiyê yên li Lubnanê û êrîşa siyonîstan ku ji ber êrîşa sîber gelek sivîl şehîd û birîndar bûn ji nêz ve dişopîne. “Pêwîste pêşî li artêşa dagirker bê girtin ku planên xwe yên berfirehkirin û dagirkirina zêdetir axê bi cih bîne.

Berdevkê Awadi ragihand ku Serokwezîrê Sûdanî biryar da ku tîmên bijîşkî û tîmên hawarçûnê ji Iraqê bişîne da ku alîkariyên lezgîn ji Lubnanê re peyda bikin û alîkariya sivîlên birîndar bikin. Ji aliyê din ve çavkaniyên hikûmetê diyar kirin ku Serokwezîr Necîb Mikatî daxwaz ji wezîrê tenduristiyê kiriye ku dev ji civînên hikûmetê berde û hemû saziyên wezaretê ji bo geşedanên ewlekarî amade bike.