Serokwezîrê Herêma Kurdistanê besdarî Korbenda Diyaloga Mename 2021ê dibe

PeyamaKurd – Serokwezîrê Herêma Kurdistanê Mesrûr Barzanî, îro beşdarî Korbenda Diyaloga Mename 2021ê dibe û bi rayedarên payebilind ên Amerîka, Ewropa û welatên navçeyê re dicive.

Serokwezîr Mesrûr Barzanî, îro Înê 19ê Mijdara 2021ê tevî şandeke Hikûmetê, ber bi Menameya paytexta Behreynê bi rê ket ji bo beşdarbûna li Korbenda Diyaloga Mename 2021, ku rojên 19-21ê Mijdarê, bi amadebûna çendîn siyasetmedar û bîrmend û kesayetên navdar ên cîhanî birêve diçe û li ser mijarên girêdayî asayîş û berevanî û kêşeyên navçe û cîhanê tê sazkirin.

Biryar e Serokwezîr Mesrûr Barzanî di çarçoveya korbendê de çendîn civîn û hevdîtinên girîng ligel rayedarên payebilind ên Amerîkî û Ewropî û welatên Erebî û Rojhilata Navîn encam bide.

Şanda ligel Serokwezîrê Herêma Kurdistanê, ji Wezîrê Pêşmerge Şoriş Îsmaîl, Wezîrê Darayî Aborî Awat Şêx Cenab û Berpirsê Fermangeha Pêwendiyên Karên Derve yên Hikûmeta Herêma Kurdistanê Sefîn Dizeyî pêk tê.