Ûrmiye | Rejîma Îranê 6 Kurd binçav kirin

25 February 2025 14:52 0 dîtin

PeyamaKurd – Rejîma Îranê li bajarê Miyanduavayê yê Ûrmiyeya Rojhilatê Kurdistanê 6 Kurd binçav kirin

Saziya Mafê Mirov ya Hengawê ragihand ku roja Şemîyê 22yê Sibata 2025an, çekdarên rejîma Îranê, li Ûrmiyeya Rojhilatê Kurdistanê, bi ser gundê Birahîmava yê Miyanduavê girtin û 4 Kurdên bi navê Bêhzad Berceste, Keywan Berceste, Şehab Tiwan, Nîma Qurbanzade binçav kirin.

Di heman demê de Xaliq Rehîmî yê ji gundê Gamêşgolî û Sidîq Ebasnijad yê ji gundê Husênavayê yên Miyanduavayê jî hatin binçavkirin.

Hengaw bi çavkaniyên xwe dide tekezkirin ku dema ku ev her 6 hatine binçavkirin, çekdarên rejîmê êşkence di wan kiriye û ew birine navendên “ewlehiyê” yên rejîmê yên li Ûrmiyeyê.

Hengaw diyar dike ku nehatiye zanîn bê ew bi çi tohmetê hatine binçavkirin û medyaya rejîmê jî li ser binçavkirina wan tu agahî belav nekiriye.