Vladîmîr Pûtîn: Em plan nakin Xarkovê bistînin!

PeyamaKurd – Serokdewletê Rûsyayê Vladîmîr Pûtîn diyar kir ku ew ê li herêma Xarkov a Ûkraynayê herêmeke ewle ava bikin û got, "Ti plana me ya sitendina Xarkovê tune."

Pûtîn doh di roja dawî ya serdana xwe ya Çînê de serdana bajarê Harbînê kir. Ew tevî cîgirê serokê Çînê Han Zheng beşdarî merasîma vekirina 8emîn Pêşangeha EXPO ya Rûsya-Çîn û 5emîn Foruma Hevkariya Navdewletî ya Rûsya-Çînê bû.

Pûtîn piştî serdana xwe ya fermî ya du rojî bi dawî bû, paşê bersiv da pirsên endamên çapemeniya Rûsyayê.

Pûtîn diyar kir ku têkiliyên wî yên fermî yên li Çînê berhemdar in û got, “Têkilî, hevkarî û hevkariya me ya stratejîk a bi Çînê re ne li dijî kesî ye. Armanca me tenê ew e ku em ji bo pêşketina welatên xwe şert û mercên baştir biafirînin û refaha gelê xwe zêde bikin.

Li ser pirsa gelo Rûsya dixwaze Xarkovê bigire yan na, Pûtîn wiha got: “Em werin ser tiştên li Xarkovê qewimîn, tiştên ku li wir qewimîn, sûcê Ukraynayê ye. Ji ber ku li herêmên me yên li ser sînor, Belgorod jî di nav de, gulebaran kirin û berdewam dikin. Li wir sivîl dimirin. Ev pir zelal e. Ew rasterast navenda bajêr û deverên niştecîh gulebaran dikin. Min got ger wiha bidome em ê herêmeke ewle, herêmeke tampon ava bikin. Em niha vî karî dikin. Ti planên me tune ku Xarkovê bistînin."