Wan | AYMê pistî 6 salên qedexeya berdewam biryara binpêkirinê da

PeyamaKurd – Dadgeha Destûra Bingehîn a Tirkiyê (AYM) li ser dozeke dijî qedexeya xwepêşandan û çalakiyan ku ji sala 2016an ve bi hinceta helwdana darbeyê ya FETOyê hatibû destpêkirin û 6 sal in her 15 rojan carekê tê dirêjkirin biryar da.

AYMê li ser îtiraza 10 kesên ku ji ber belavkirina belavokên Partiya Demokratîk a Gelan (HDP) ceza li ser wan hatibûn sepandin, biryar da ku mafê civîn, xwepêşandan û meşê hatiye binpêkirin.

Herwiha AYMê di vê biryara ku piştî du salan daye de, biryar da ku nivîsek ji bo Dadgeha Sulh Cezayê ya navçeya Ebexê (Çaldiran) were şandin û ji nû ve darizandin bê kirin.

Di biryara dadgeha bilind de hatiye diyarkirin, madeya 34an a Destûra Bingehîn a mafê lidarxistina xwepêşandan û civînan hatiye binpêkirin. Ji bo ew mexdûriyet nemîne jî bi yekdengî biryar hatiye dayîn ku bi dadgehkirina ji nû ve encamên binpêkirinê ji holê bên rakirin.