Wezîrê karen derve yê Iraqê Fûad Huseyîn bi Antony Blinken re hevdîtin kir

PeyamaKurd – Wezîrê karên derve yê Iraqê Dr. Fûad Huseyîn li Washingtonê bi wezîrê karên derve yê Amerîkayê Antony Blinken re hevdîtinekî kir. Her dû wezîr di mijar û berjewendiyên hevpar de dan û sitendinan kirin. Blinken berya civînê ji bo rojnamevan got:

“Iraq ortax û hevkarekî me yê girîng e. Iraq di heman wextê de ji bo îstîqrara herêmê jî girîng e.”

“Li hemberê IŞİDê em bi Amerîka re bûn hevkar û em ê dewam bikin. Em di gelek sehayan de hevkarên hevin û armanca me xwurtkirina hevkariyê ye.”

Huseyîn, di çarçova seredana Amerîka de wê di asta bilind de bi gelek kesan re hevdîtinan bike.

Blinken di mijara êrîşên li Moskovayê de axifî û got:

“IŞİD hê jî tehdîdekî mezine. Êrîşa Moskovayê nîşan da ku tehdîda wê hêjî dewam dike.”

Serokwezîrê Iraqê Muhammed Şiya es Sudani wê di 15ê Nîsanê de seredana Amerîkayê bike û wê Biden li Koşka Sipî pêşwaziya wî bike.