Wezîrê Tenduristiyê yê Sûriyê: Me derzî û kelûpelên pizîskî sandin herêmên di bin kontrola HSDê de

PeyamaKurd – Wezîrê Tenduristiyê yê Hikûmeta Demkî ya Sûriyeyê Mahir Şara diyar kir ku rewşa tenduristiyê li herêmên wekî Hesekê û Reqayê ne zêde ne xerab e û ragihand ku wan 3 wesayîtên derzî û pêdiviyên tenduristiyê yên bingehîn şandin herêmên di bin kontrola Hêzên Sûriyeya Demokratîk (HSD).

Wezîrê Tendirustiyê yê Hikûmeta Demkî ya Sûriyê Mahîr Şera di derbarê dabînkirina pêdiviyên tenduristiyê ji bo Rojava got, “Alîkarî digihêje wir, me di çarçoveya bernameyeke navdewletî ya du rojan de sê otomobîlên tijî pêdiviyên tenduristiyê şandin. pêşî. Em ê her cure rehetiyê bidin."

Wezîr Şera diyar kir ku Wezareta Tenduristiyê ya Sûriyeyê bêyî cudahiyên herêmî di gihandina alîkariyan de berdewam e û got, “Di gihandin û wergirtina van alîkariyan de me tu astengî derneket. Em çi hewce dikin pêşkêş dikin, bêyî ku bala xwe bidin herêmên di bin kontrola HSDê de yan herêmên din."

Şera herwiha diyar kir ku hemû daxwazên ku hatine wergirtin bi mekanîzmaya bi navê "Banka Pêdiviyên Tenduristiyê" tên lêkolînkirin û organîzekirin. Armanca vê sîstemê weke diyarkirina pêşaniyên li herêman û ji nû ve avakirina xizmetên tenduristiyê hate ravekirin.

Wezîr Şera amaje bi wê yekê jî kir ku piraniya nexweşxaneyan li Sûriyê nikarin xizmetguzariyê bikin û got, “Tevî ku divê bi giştî 200 nexweşxane li welat hebin, lê niha tenê 70 heta 80 nexweşxane çalak in. Zêdetirî ji sedî 50ê navendên tenduristiyê yên heyî bêfonksîyon in."

Wezîr Şera diyar kir ku li welêt hejmara personelên tenduristiyê têrê nake û di hin pisporan de kêmasiyên mezin hene û wiha got: “Di hin pisporan de doktor kêm in. Bi taybetî di warên wek onkolojiyê de kêmasiyek cidî heye. Lêbelê, hejmara giştî ya personelên tenduristiyê yên me, her çend hîn ne bes be jî, dikare hewcedariyên herî kêm bicîh bîne."