Wezîrên karên derve yên cîranên Derya Hazarê civiyan

PeyamaKurd – Wezîrên karên derve yên dewletên cîranên Derya Hazarê ne, li payîtexta Turkmenistanê li Aşkabatê civiyan. Berya zîrwa serokan ya 6 em ya serokên dewletên cîranên Hazarê, civîna wezîrên karên derve çêbû.

Civîn li avahiya wezareta karên derve ya Turkmenistanê çêbû û xwediyê malê wezîrê karên derve yê Turkmenistanê Raşid Meredov bû. Di civînê de wezîrê karên derve yê Rûsyayê Sergey Lavrov, yê Îranê Huseyin Emir Abdullahiyan yê Kazakistanê Muxtar Tleûberdî û cîgirê wezîrê karên derve yê Azerbeycanê Xelef Xelefov hebûn.

Beşdarvan li ser ewlehî, gihandin, bazirganî, enerjî û fînansê yên herêma Hazarê danûstendinan kirin. Wezîrê karên derve yê Turkmenistanê Meredov behsa girîngiya xwurtkirina hevkariya navdewletî ya Hazarê kir û got ku Hazar girîngiyekê wê yê di seha gihandin, transît û lojîstîkê de heye û weka navendekiye.

Piştî civînê wezîrê karên derve yê Rûsyayê Sergey Lavrov ji bo çapemeniyê ragihand ku xalên di peymanê ya Statuya Derya Hazarê de girîngin û endamên peymanê girêdayê peymanê ne.

Peymana Statuya Hazarê di sala 2018 an de bi tevlîbûna serokên dewletên cîranên Derya Hazarê, di civîna 5 em de hatibû îmzekirin û her dewlet peymanê di parlementoyên xwe de jî qebûl kiribûn lê Îranê heya niha di parlementoyê de qebûl nekiriye.