Xelatên Festîvala Fîlman a Cannesê ya 75an, hatin belavkirin

PeyamaKurd-Xelatên Festîvala Fîlman a Cannesê ya 75an hatin belavkirin. Di beşa fîlman de derhênerê Swêdî Ruben Ostlund, ji bo fîlmê bi navê ‘Sêgoşeya Xemgîniyê’ (Triangle of Sadness) Xelata Palmiyeya Zêrîn wergirt.

Festîvala Fîlman a Cannesê ya 75an ku îsal li bajarê Cannesê yê li başûrê Fransayê hat lidarxistin, bi merasîmekê bi dawî bû. Xelat bi serokatiya lîstikvanê Fransî Vincent Lindon , ji aliyê jûriya ji 9 kesan ve hatin diyarkirin û di merasîma xelatgirtinê ya ku roja Şemiyê li Şanoya Grand Lumiere ya li Cannesê hat lidarxistin de xelat hatin belavkirin. Fîlmê Ruben Ostlund yê bi navê ‘Sêgoşeya Xemgîniyê’ xelata Palmiyeya Zêrîn û Chan Wook Park jî bi fîlma xwe ya bi navê “Decision to Leave” xelata derhênerê herî baş wergirt. Xelata Grand Prix ku tê wateya duyemîn; di navbera fîlmên Close (Lukas Dhont) û Stars at Noon (Claire Denis) de hat parvekirin.

Xelatên Festîvala Fîlman a Cannesê ya 75an wiha ne:

Xelata Palmiyeya Zêrîn: Triangle of Sadness (Derhêner Ruben Ostlund

Xelata Mezin a Juriyê: Close (Derhêner Lukas Dhont) û Stars at Noon (Derhêner Claire Denis)

Xelata Juriyê: The Eight Mountains (Derhêner Felix van Groeningen & Charlotte Vandermeersch) ve EO (Derhêner Jerzy Skolimowski)

Derhênerê Herî Baş: Park Chan-Wook (Decision to Leave) Lîstikvana Jin a Herî Baş Zar Amir-Ebrahimi (Holy Spider)

Lîstikvanê Mêr ê Herî Baş: Song Kang-ho (Broker)

Senaryoya Herî Baş: Tarik Saleh (Boy From Heaven)

 Xelata Taybet a Salvegera 75emîn: Tori and Lokita / Tori et Lokita (Derhêner Jean-Pierre Dardenne ve Luc Dardenne)

Di beşa Kurtefîlman de Xelata Palmiyeya Zêrîn ji aliyê derhênerê fîlmê 'The Water Murmurs' Jianying Chen ve hat wergirt.