Yekem berteka Tirkiyê li hember biryara Dadgeha Navneteweyî ya li ser Îsraîlê!

PeyamaKurd – Wezareta Karên Derve ya Tirkiyê derbarê biryara Dîwana Edaletê ya Navneteweyî ya li ser êrîşên Îsraîlê yên li ser Refahê de daxuyaniyeke nivîskî da û diyar kir ku "Divê Îsraîl êrîşa Refehê rawestîne" û got, ew ji vê biryarê kêfxweş in.

Di daxuyaniya Wezaretê de ev agahî hatin dayîn:

"Em biryara biryara demkî ya Dîwana Edaletê ya Navneteweyî pêşwazî dikin ku biryar da Îsraîlê êrîşên xwe yên li ser Refahê rawestîne û derhal deriyê sînor ê Refahê ji alîkariyên mirovî re veke.

Di cîhanê de tu welatek li ser qanûnan nîne. Em li bendê ne ku hemû biryarên ku ji hêla Dadgehê ve hatine girtin ji hêla Îsraîlê ve bi lez bêne bicîhkirin. Ji bo misogerkirina vê yekê, em Encûmena Ewlekariyê ya Neteweyên Yekbûyî vedixwînin ku erka xwe pêk bîne."

Têkildarî biryarê Alîkarê Serokê Giştî yê AK Partiyê û Berdevkê Partiyê Omer Çelîk li ser medyaya civakî parvekirinek kir û wiha got:

"Biryara Dîwana Edaletê ya Navneteweyî ya ji bo bidawîkirina êrîşên hovane yên Îsraîlê yên li ser Refahê ya li Şerîda Xezzeyê û vekirina deriyê sînor ê Refahê ji alîkariyên mirovî re, gelekî jiyanî û girîng e. Divê civaka navneteweyî teqez bike ku Îsraîl tavilê daxwazên vê yekê bi cih bîne."