Zelensky: Em ji bo peymanek bihêz û sûdmend bi DYAyê re amade ne

PeyamaKurd – Serokê Ukraynayê Volodymyr Zelenskyy got: "Ukrayna ji bo peymanek bihêz û bi rastî bi sûdmend bi Serokê Dewletên Yekbûyî yên Amerîkayê (DYA) (Donald Trump) re li ser veberhênan û ewlehiyê amade ye."

Zelenskyy doh li ser hesabê xwe yê medyaya civakî ragihand ku li Kîevê Nûnerê Taybet ê Ukrayna û Rûsyayê yê Amerîkayê Keith Kellogg qebûl kiriye.

Zelenskyy got ku wan rewşa li eniyê, vegera girtiyên Ukrayna bo malên xwe û garantiyên ewlekarî yên bi bandor ên ku ji bo welatê wî pêwîst in, gotûbêj kirin û got: “Ji bo me û tevahiya cîhana azad girîng e ku hêza Amerîkî hîs bikin.”

Zelenskyy bal kişand ser wê yekê ku Ukrayna ji "saniyeyên ewil" ên şer ve li aştiyê digere û wiha got:

"Ukrayna ji bo peymanek bihêz, bi rastî bi sûdmend bi Serokê Dewletên Yekbûyî yên Amerîkayê (Donald Trump) re li ser veberhênan û ewlehiyê amade ye. Me rêya herî bilez û avaker ji bo bidestxistina encaman pêşniyar kir. Tîma me amade ye ku 24/7 bixebite."

Zelensky ji bo piştgiriya wan spasiya aliyên Amerîkî kir.