151 koçberên li kampên Tirkiye û Rojava vegeriyan Iraqê

PeyamaKurd - Wezareta Koç û Koçberan a Iraqê ragihand ku 151 koçberên Iraqê ji kampên li ser sînorê Rojavayê Kurdistan û Tirkiyê vegeriyan Iraqê.

Wezareta Koç û Koçberan a Iraqê da xuyakirin ku ew 151 koçberên Iraqê bi dilxwazî û bê ti zextekê ji kampên Ekde, Girê Spî û Serêkaniyê yên Rojavayê Kurdistanê bi rêya deriyê sînorî yê Îbrahîm Xelîlê ve gihîştine Herêma Kurdistanê.

Wezareta Koç û Koçberan daye zanîn, vegera koçberan bi hevahengiya navbera Balyozxaneya Iraqê li Enqerê û Konsulxaneya Iraqê ya Dîlokê hatiye pêkanîn û biryare koçber ji parêzgehên Nînowa, Selahedîn û Enbarê re bên şandin.

Hêjayî gotinê ye, li kampên Rêveberiya Xweser a Rojavayê Kurdistanê de jî nêzî 20 hezar koçberên Iraqê dimînin ku piraniya wan li kampa Holê ya Hesekê ne.