Agir bi xwaringeha 7 qatî ket: 43 kes mirin û 22 kes birîndar bûn

PeyamaKurd – Li payîtexta Bangladeşê li Dakkayê agir bi xwaringeha bi navê Kacchi Bhai ya 7 qatî ket û di encamê de 43 kes mirin û 22 kes birîndar bûn.

Li ser bûyerê gelek polîs û ambûlans çûn ciyê bûyerê û heya niha sedema ku çima agir bi xwaringehê ketiye nehat zanîn. Piştî agir hat vemirandin, wezîrê tenduristiyê yê Bangladeşê Dr. Samanta Lal Sen ragihand ku di encamê de 43 kes mirine, 22 kes birîndar bûne û 75 kes jî hatine rizgarkirin.