Aliyev sert danî: Operasyon dê tenê bi vî awayî raweste!

PeyamaKurd- Serokomarê Azerbaycanê Îlham Aliyev, di derbarê 'Operasyona Dijî Terorê' ya ku li Qerebaxê li dijî hêzên Ermenîstanê hat destpêkirin de daxuyanî da û şertê rawestandina operasyonê ragihand.

Ji aliyê Serokomariya Azerbaycanê ve li ser pêwendiya telefonî ya Aliyev û Wezîrê Karên Derve yê Amerîkayê Antony Blinken de daxuyanî da.

Li gorî daxuyaniyê, Aliyev di hevdîtina xwe ya bi Blinken re sedemên bergirên li dijî ‘terorê’ yên artêşa Azerbaycanê li Qerebaxê dane destpêkirin.

Aliyev, li ser hêzên çekdar ên Ermenîstanê yên li Qerebaxê diyar kir ku provakasyonên wan ên di mehên dawîn da zêde bûne û "hilbijartina serokatiyê" ya rejimê ya bi navê "Hilbijartina Serokomariyê" ya rejime, ji bo pêşîgirtina li çalakiyên provokatîf divê li herêmê dest bi tedbîrên herêmî yên antî-terorê bikin.

Her wiha hat diyarkirin ku Aliyev tekez kir ku artêşa Azerbaycanê sivîl û navendên binesaziyê nake armanc, tenê armancên leşkerî yên rewa ji nav dibe.

Serokomarê Azerbaycanê diyar kir ku heger hêzên çekdar ên Ermenîstanê li Qerebaxê çekên xwe deynin û werin bêçekkirin, wê demê dê bergirên li dijî terorê bên rawestandin.