Almanyayê ji bo Koronayê agahdariya bi Kurdî amade kir

PeyamaKurd - Wezareta Tendurîstîya Federal a Almanya bi kurdî agahdarîyên bo rûbirûbûna vîrusa koronayê amade kir.

Li welatê Almanyayê ku bi qasî milyonek Kurd ji hemû beşên Kurdistanê lê dijîn, agahdariyên coronavîrusê yên bi zimanê Kurdî kurmancî hatin amadekirin daku welatî li gorî rênimayên rûbirûbûna koronayê tevbigerin.

Di agahdariyan de behsa nexweşîna Covid-19 tê kirin û li ser rênima û rêkarên ku gel pê pabend bibe agahî têne dayîn.

Wezareta Tendurîstîya Federal a Elmanya bi zimanê #Kurdî agahdarî (Flyer) ji bo nezîkî 1 mîlyonen Kurdîstanî li wî welatî li ser #Covid_19 amadê kir û belav dike. Tirkîye û Îran ji bo mîlyonên "hevwelatîyan" #Kurd çi dikin? #Kurdistan #Kurd #CoronavirusPandemic #Bundesregierung pic.twitter.com/Hs0l89yWxp

— Sertaç Bucak (@BucakSertac) April 13, 2020

Berî niha welatên wekî Swêd jî agahdariyên Kurdî bo Covid-19 amade kiribûn û li ser malperên fermî yên wezaretên tenduristiyê belav kiribûn.