Amerîkayê banga agirbestê li Gazzeyê red kir!

PeyamaKurd – Berdevkê Ewlehiya Netewî ya Qesra Spî John Kirby diyar kir, agirbest "di vê demê de ne bersiveke rast e" û li şûna wê dibe ku "bersivên piçûk" di şer de çêbibin ku wê alîkariyê li Gazzeyê were belavkirin.

Li Gazzeya bajarê ku 2,2 milyon nifûsa wê heye û beşeke girîng a ku beriya 7ê Cotmehê pêdiviya wê bi alîkariya navneteweyî hebû, peydakirina xwarin, av, sotemenî û derman gelekî zehmet bûye.

Lê Îsraîl dibêje heta ku Hamas belav nebe agirbest çênabe.

Serokwezîrê Îsraîlê Netanyahu di axaftina xwe ya do de gotibû, "Banga agirbestê bangewaziyên ji bo Îsraîl teslîmî Hamas û terorê bibe, ev yek pêk nayê."

John Kirby herwiha ragihand, wan bi Îsraîlê re li ser zêdekirina hejmara kamyonên alîkariyê yên ku ji Deriyê Sînor ê Refahê yê Misrê derbasî Gazzeyê dibin rojane 100 kamyonên alîkariyê axivîne.

Ji aliyê din ve jî got, ew dizanin ev têr nake.

"Her çend ev hejmar li gorî ya heyî zêdebûnek mezin nîşan dide jî, em dizanin ku ew ê dîsa jî têrê neke."