Amerîkayê sîrket û kesên girêdayî Hîzbullahê siza kirin!

PeyamaKurd – Rêvebiriya Amerîkayê toleyên nû li ser Hizbullah a Lubnanê sepand. Li gorî daxuyaniyê, şîrketeke diravî û 3 kes bi hinceta ku xebatên darayî yên Hizbullahê hêsan kirine, ketine lîsteya sizayan.

Wezareta Xezîneyê ya Amerîkayê ku derbarê mueyîdeyên nû de daxuyaniyek da, ragihand ku ew ê sizayan li ser şîrket û rêveberê wê yên ku xebatên darayî yên Hizbullahê hêsan kirine, bisepînin.

Daxuyaniya wezaretê diyar kir, fînansorê Lubnanî Hesen Moukeled di lîsteya sizayan de cih girtiye û tekez kir, Moukeled roleke sereke dilîze di wê yekê de ku Hizbullah berdewam bikar bîne û krîza aborî ya Lubnanê girantir bike.

Siza li ser berpirsên payebilind ên darayî yên girêdayî Hizbullah!

Li gorî Wezareta Xezîneyê, Moukaled tê îdiakirin ku bi hevahengiyek nêzîk ligel karbidestên darayî yên pilebilind ên girêdayî Hizbullah kar kiriye da ku alîkariya Hizbullah bike ku hebûna xwe di pergala darayî ya Lubnanê de ava bike.

Herwiha di daxuyaniya wezaretê de hat gotin, şîrketa CTEX Exchange ya ku xizmetên bazirganiya biyanî yên aîdî Moukalled dike jî wê were sizakirin û kurên Moukaled Rayyan Moukalled û Rani Moukalled jî ketin lîsteya sizayan.