Amnesty: Fransayê ji bo sandina penaberan bi Samê re pêwendî danîye!

PeyamaKurd – Li gorî ragihandina rêxistinên civaka sivîl, hikûmeta Fransa dixwaze penaberan bişîne Sûriyê ku ev yek wekî "skandal û neyasayî" tê binavkirin.

Rêxistinên Lêborîna Navdewletî (Amnesty International), La Cimade û Revivre di bi daxuyaniyeke hevbeş eşkere kirin ku Parîs li ser şandina penaberan bo Sûriyê dixebite.

Di daxuyaniyê de hatiye destnîşan kirin, di Cotmeha 2022yan de desthilatdarên herêma Haute-Garonne a li başûrê rojavayê Fransayê û Rêveberiya Polîsê Parîsê hewl dane pêwendiyê bi Balyozxaneya Sûriyê bikin, tevî ku ji Adara 2012an ve Parîs û Şam pêwendiyên xwe yên siyasî qut kirine.

Hat diyarkirin ku ev hewla hikûmetê "skandal û neyasayî ye û li dijî bingehên yasayî yên navdewletî ye".

Wan rêxistinan daxwaz ji desthilatdarên Fransayê kirin, derbarê mijarê de daxuyaniyekê bidin ku ew pabendî yasaya navdewletî dibin û rê nadin şandina ti kesekî bo welatekî, ku gefa mirin û îşkenceyê li wan bixin.

Wezareta Navxwe ya Fransayê, li ser banga rêxistinan gotiye, heta niha ti kesek ji bo Sûriyê nehatiye şandin.