Andersson carek din wekî yekem Serokwezîra jin li Swêdê hat hilbijartin

PeyamaKurd – Magdalena Andersson wekî yekem Serokwezîra jin li Swêdê hat hilbijartin. Anderson hefteya borî piştî ji bo serokwezîriyê hatibû hilbijartin bi 7 saetan, îstîfa kiribû. Lê do carek din ji bo hikumeta koalîsyonê li meclisê dengdan çêbû û hikumet hat avakirin.

Hikumeta Swêdê ji Partiya Sosyal Demokrat û Partiya Keskan pêk tê. 173 mebûsî dengê "na" bikar anî, 101 mebûsî dengê "erê" da. Ji ber ku dengê "na" negihîştin 175'î hikumet saz bû. 2 kesên din bigotina "na" hikumet saz nedibû.

Magdalena Andersson di sala 1967an de li Uppsalayê hatiye dinê.

Anderssonê Dibistana Aborî ya Stockholmê xwend û paşê di navbera salên 1992-95'an de perwerdehiya lîsansa bilind girt. Di navbera salên 2009-2012'yan de peywira Midûriyeta Daîreya Bacê ya Swêdê girt ser milên xwe. Ew ji sala 2014'an ve Wezîra Maliyeyê bû.