Antony Blinken: Dibe ku Çîn, çekan bide Rusyayê

PeyamaKurd- Wezîrê Karên Derve yê Amerîkayê Antony Blinken, ji CBS Newsê re axivî û da zanîn ku kompaniya Çînî, berê "piştgiriya nekujer" didin Rusyayê û agahdariya nû destnîşan dike ku Pekin dikare "piştgiriya kujer" bide.

Antony Blinken hişyarî da ku heger Çîn ji bo şerê Ukraynayê çek û cebilxaneyan bide Rusyayê, dê ji bo Çînê encamên giran derkevin pêş.

Blinken bal kişand ku di navbera kompaniyên taybet û kompaniyên dewletê yên li Çînê de tu cudahiyeke rast tuneye û got, "Çekdarkirina Çînê ya Rusyayê, dê ji bo me û têkiliyên me bibe sedema pirsgirêkên cidî."

Blinken diyar kir ku Amerîka bi fikar e ku Çîn alîkariya Rusyayê dike ku ji cezayên rojava xilas bibe.

Wezîr Blinken, di çarçoveya Konferansa Ewlehiyê ya Munihê de bi dîplomatê herî payebilind ê Çînê Wang Yi, Rêveberê Komîteya Navendî ya Têkiliyên Derve ya Partiya Komunîst a Çînê (CCP) re jî hevdîtin kiribû.

Hat ragihandin ku Blinken di hevdîtinê de hişyarî daye encamên piştgirî û alîkariya darayî ya Çînê ya Rusyayê ku di şerê wê yê hovane yê li dijî Ukraynayê de ku ji sizayên pergalkirî dûr nekevin.”