Artêsa Tirkiyê 4 gundên Sehbayê bombebaran kir

PeyamaKurd- Êvara roja Çarşemê, topxaneya artêşa Tirkiyê çend gund li herêma Şehba ya Rojavayê Kurdistanê bombebaran kir.

Çavkaniyên herêmî ragihandine, ku careke din topxaneyên artêşa Tirkiyê û gurûpên çekdar ên opozsiyona Sûriyê, duh êvara Çarşemê çend gundên li herêma Şehbayê topbaran kirine.

Li gorî zanyariyan, gundên Malikiyê, Merenaz, Şewarxê û Kelha Şewarixê ji aliyê hêzên Tirkiyê û grûpên çekdar ve hatine topbarankirin.

Tu zaniyarî di derbarê ziyanên canî û madî de nehatine bidestxistin.

Piştî ku di 18ê Adara sala 2018an de, herêma Efrînê kete bin kontrola artêşa Tirkiyê û grûpên çekdar ên hevpeymanên Enqerê, herêma Şehbayê tekane herêm li sînorê parêzgeha Helebê ye ku hêj di jêr desthilata Rêveberiya Xweser û YPGê de maye.