Balafirên bêmirov li Çemçemalê li erebeyekî xistin: 1 mirî û 2 birîndar

PeyamaKurd – Balafirên bêmirov yên Tirkiyê li navçeya Çemçemalê ya bi ser bajarê Silêmaniyê, li devera Kara Hencîrê erebeyekî kirin armanc û lê xistin. Berdevkê rêvebiriya tendursitiyê ya Çemçemalê Şerîf Rehîm ragihand ku di encamê de 1 jinekî miriye û 2 kes birîndar bûne. Şerîf Rehîm ji bo Rûdawê ragihandiye ku jinekî jiyana xwe ji dest daye û du kesên 25 û 35 salî jî birîndar bûne.

Di êrîşê de jina hatiye kuştin cesedê wê nedihat naskirin û cesed şandine tib a edlî ya li Silêmaniyê û her dû kesên din ji bo dermankirinê birine nexweşxanê. Li ser êrîşê YNK weha got:

“Polîtburoya YNK ê bombardimana ku nêzî Kara Hencîrê hatiye kirin şermezar dike. Em îhlalên sînor ku tên heya nav kezeba Iraq û Kurdistanê em gelek xerab dibînin. Em dixwazin van êrîşan rawestin. Ti sedem nabe ku bibe sedema îhlala sînoran û zerarê bide mirovên bê sûc. Em bang li hukumeta Iraqê dikin ku sînorên Iraq û Herêma Kurdistanê bi mafên bikaranîna destûrî biparêzin.”

Di derbarê êrîşê de heya niha ji Tirkiyê ti daxwuyaniyekî nehat dayîn.