Bankaya Cîhanê 416 milyon dolar krediyeke nû dide Tirkiyeyê

PeyamaKurd – Bankaya Pêşketin û Veberhênanê ya Tirkiyeyê (TKYB) ji bo kêmkirina gazên qirêj ên hewayê û gaza serayê yên şirketên pîşesaziyê yên li Tirkiyeyê, bi Bankeya Dinyayê re bi 416 milyon dolarî peymana krediyê îmze kir.

Di daxuyaniya ku ji aliyê Banka Cîhanê ve hat dayîn de, peymana krediyê ji aliyê Midûrê Giştî û Endamê Lijneya Rêveber a TKYB'ê Îbrahîm Oztop ve li navenda Banka Cîhanê ya li Washingtonê hat îmzekirin. Peymana garantiyê ji aliyê Midûrê Giştî yê Têkiliyên Aboriya Derve yê Wezareta Xezîne û Darayî Kerem Dönmez ve hat îmzekirin. Banka Cîhanî ji aliyê Humberto Lopez ve hat temsîlkirin.

Krediya ku di bin garantiya Wezareta Xezîne û Maliyeyê de tê dayîn wê di çarçoveya projeya TIERê de ji bo hilberînerên li Tirkiyeyê derfetên fînansekirina demdirêj peyda bike.

Proje wê bi taybetî sektora hilberînê bike armanc da ku ew bikarin teknolojiyên paqij û pêvajoyên ku wê emeliyetên zerardar ên ku bandorên neyînî li ser jîngehê, avhewa, hilberandin, tenduristî û berxwedêriyê dikin kêm bikin.

Projeya TIER wê gihandina fînansa demdirêj a ku ji bo veguheztina kesk a pîşesaziyê hewce dike hêsan bike, emîsyonên perçeyên çêkerên sûdmend ji sedî 40 û emîsyonên oksîdê nîtrojenê ji sedî 30 kêm bike. Di vê projeyê de tê xwestin ku emîsyona gaza serayê salê 220 hezar ton kêm bike.

Midûrê Tirkiyeyê yê Banka Cîhanê Humberto Lopez ku di daxuyaniyê de nêrînên wî cih girt, derbarê projeyê de wiha got: "Kêmkirina emîsyonên ji sektora pîşesaziyê ji bo zêdekirina reqabetê ya pargîdaniyên pîşesazî yên Tirkiyeyê di bazara cîhanî de xwedî girîngiyek mezin e. Banka Cîhanî kêfxweş e ku piştgiriyê dide hewildanên Tirkiyeyê yên ji bo rakirina astengên sereke yên li pêşiya siyaset û armancên xwe yên avhewa û jîngehê."