Bexdayê 3 partiyên "nêzîkî PKKê" girtin

PeyamaKurd - Lijneya Dadwerî ya Hilbijartinan a Iraqê bi sedema ku pêwendiya wan bi Partiya Karkerên Kurdistanê (PKK)yê re heye, biryara girtina 3 partiyan da.

Partiyên ku biryara girtina wan hatiye dayîn ev in: Partiya Azadî û Demokrasiyê ya Êzdiyan, Eniya Têkoşîna Demokrasiyê û Partiya Azadiya Civaka Kurdistanê/Tevgera Azadiyê.

Lijneyê biryar da ku navendên van partiyan bêne girtin û dest deynin ser pereyên wan.

Şêwirmendê Ewlehiya Neteweyî ya Iraqê Qasim Erecî bi sedema ku pêwendiya wan bi PKKê re heye daxwaza girtina van her sê partiyan kir:

Lijneya Dadweriyê ya Hilbijartinan 1ê Tebaxê bi serokatiya Dadwer Hesen Fuad û beşdariya Dadwer Celîl Ednan Xelef û Dadwer Xelef Remezan Hesen civiya.

Lijneyê biryar da ku ev her sê partî, navendên wan bêne girtin û dest deynin ser aborî û pereyên wan.

Di biryarê de amaje bi xalên yekem û sêyem ên Yasaya Partiyên Siyasî hatiye kirin û hatiye gotin:

“Nabe ku ti pêwendiya siyasî û aborî ya partiyên siyasî bi aliyên ne Iraqî re hebe. Nabe li ser fermana partî, dewlet an jî aliyekî derve çalakiyan û alîkariya partiyeke siyasî bikin ku dewletê ew qedexe kiribe.”

Di nivîsa biryarê de amaje bi Yasaya Partiyên Siyasî hatiye kirin û wiha hatiye gotin:

“Lijneya Dadweriyê ya Hilbijartinan biryar da ku Partiya Azadî û Demokrasiyê ya Êzidiyan, Eniya Têkoşîna Demokrasiyê û Partiya Azadiya Civaka Kurdistanê/Tevgera Azadiyê bên girtin, navêndên wan bên girtin û dest deynin ser aboriya wan.”