Bexdayê sandeke ji bo ewlehiya hilbijartinan sand Hewlêrê

PeyamaKurd - Nûnerê Wezareta Navxwe û Wezareta Pêşmerge li odeya operasyonên hevbeş a Iraqê de ragihand, şandeke ewlehiyê ya Iraqê ji bo guftûgokirina tedbîrên ewlehî û îdarî yên rêveçûna proseya hilbijartinên Iraqê gihîşt Hewlêrê.

Nûnerê Wezareta Navxwe û Wezareta Pêşmerge di odeya operasyona hevbeş a Iraqê de Ebdulxaliq Telet ji medya Kurdistanê re ragihand ku wan îro 21ê Kanûnê pêşwazî li şanda bilind a ewlehiya Iraqê kiriye ku bi armanca serdana embar û binkeyên serekî yên dengdanê hatine Hewlêrê.

Telet diyar kir ku wê bi wê şandê re guftûgoya tedbîrên ewlehiyê û îdarî yên rêveçûna proseya hilbijartinên dema pêş ên Iraqê yên 6ê Hezîrana 2021ê bê kirin.

Ebdulxaliq Telet got: “Şandeya ewlehiya Iraqê sibe li gel parêzgerê bi wekalet ê Hewlêrê û lijneya ewlehiyê dê bicive, ku pêdiviyên hilbijartina sala pêş bên behskirin û bi raporê bidin hikûmeta Iraqê ku dema pewîst û berî encamdana proseya hilbijartinê ew pêdiviyên bo binkeyên herêma Kurdistanê werin dabînkirin.”

Hat eşkerekirin wê ew şande rojên pêş serdana parêzgehên din ên herêma Kurdistanê jî bike.