Biden serta vekisîna xwe ya ji hilbijartinan eskere kir

PeyamaKurd – Serokê Dewletên Yekbûyî yên Amerîkayê Joe Biden, ku tenduristiya wî ya derûnî û laşî piştî performansa wî ya nebaş a weşana zindî ya bi Donald Trump re hate pirsîn, diyar kir ku heke rewşek tenduristî ya têkildarî tenduristiya wî were tespîtkirin dibe ku ew ji pêşbirka hilbijartinê vekişe.

Biden diyar kir ku "temen tenê zanînê tîne" û got, "Eger rewşek bijîjkî çêbibe, heke bijîjk werin û bibêjin ev pirsgirêk heye, dibe ku vekişîn çêbibe."

Serokê Dewletên Yekbûyî yên Amerîkayê Joe Biden ku tenduristiya wî ya derûnî û laşî hate pirsîn piştî gafên wî yên vê dawiyê û performansa xirab a weşana zindî digel hevrikê xwe, serokê berê yê Dewletên Yekbûyî Donald Trump, destnîşan kir ku heke rewşek bijîjkî bi tenduristiya wî ve girêdayî be bê tesbîtkirin, dibe ku ew ji pêşbirka hilbijartinê vekişe. Biden ê 81 salî destnîşan kir ku pêdiviya welat bi wî heye û got, "Temen tenê zanînê tîne."

Wî herwiha got ku ew bi niyaz e ku namzediya xwe bidomîne, bi hinceta ku wî "tiştên baş" ji bo welatê xwe kiriye û "bêtir divê were kirin."

Biden li ser pirsa çi dikare bibe sedem ku ji bo hilbijartinên serokomariyê yên ku di 5ê Mijdarê de li Amerîkayê bên kirin vekişe, wiha got: "Eger nexweşiyek çêbibe, doktor werin û bibêjin ev pirsgirêka we heye, dibe ku bibe."