Bikaranîna Ukrayna ya çekên DYAyê: Daxuyaniya Qesra Spî

PeyamaKurd – Koşka Spî ragihand ku Amerîka helwesta xwe ya li ser sînordarkirina bikaranîna çekên Amerîkî ji aliyê artêşa Ukraynayê di êrîşên ser xaka Rûsyayê de neguherandiye.

Berdevkê Ewlekariya Netewî ya Qesra Spî John Kirby di civîneke çapemeniyê de got ku Amerîka helwesta xwe ya li hember sînordarkirina bikaranîna çekên Amerîkî ji aliyê artêşa Ukraynayê di êrîşên kûrahiya axa Rûsyayê de neguherandiye.

Kirby got: "Di vê mijarê de di nêzîkatiya me de tu guhertin çênebûye. Û ez hêvî nakim ku îro di vî warî de guhertinek çêbibe."

Berî niha medyaya rojava ragihandibû ku Serokwezîrê Brîtanya Keir Starmer di serdana xwe ya Washingtonê de bi Serokê Amerîkayê Joe Biden re hevdîtineke dualî pêk anîbû. Wî diyar kir ku tê çaverêkirin ku lîder biryar bidin ku qedexeya heyî ya li ser êrîşên artêşa Ukraynayê li kûrahiya Rûsyayê bi çekên dûravêj ên ku ji hêla rojava ve têne peyda kirin, rakin.