Biryara Îranê ji Joe Biden!

PeyamaKurd – Serokê Dewletên Yekbûyî yên Amerîkayê Joe Biden biryar da ku "rewşa awarte ya neteweyî" ya ji Îranê derketiye, dirêj bike ku gef e li ser ewlehiya neteweyî.

Koşka Spî ragihand, Biden ji Kongres agahdar kiriye ku ew ê biryarnameya serokatiyê ya li ser "rewşa awarte ya neteweyî" ya ku di sala 1995an de hatiye ragihandin, dirêj bike ji bo rûbirûbûna gefên li ser ewlehiya neteweyî, siyaseta derve û aboriya Amerîkayê ji kiryarên dewleta Îranê.

Biden diyar kir, “Belavkirin û pêşxistina moşek û çekên asimetrîk û konvansiyonel ji aliyê Îranê ve, êrîşên li herêmê ji ber piştgiriya wê ji komên têrorîst û kiryarên ziyanker ên Artêşa Pasdarên Şoreşê û alîgirên wê, berdewam bû gefeke "neasayî û awarte" li ser ewlehiya neteweyî, siyaseta derve û aboriya Amerîkayê.

Ji ber van sedeman Biden destnîşan kir, divê Rewşa Awarte ya ku di 15ê Adara 2023an de bi dawî bû, piştî vê dîrokê jî di meriyetê de bimîne.