"Brîtanya dostekî bihêz ê Herêma Kurdistanê û Iraqê ye"

PeyamaKurd – Serokwezîr Mesrûr Barzanî ragihand ku Brîtanya dostekî bihêz ê Herêma Kurdistanê û Iraqê ye.

Serokwezîrê Herêma Kurdistanê Mesrûr Barzanî li ser hesabê xwe yê Instagramê dîmenên serdana xwe ya Akademiya Leşkerî ya Qraliyetê Sandhurst a li Brîtanyayê weşand.

Di peyama Barzanî ya derbarê mijarê de wiha hat gotin:

"Brîtanya dostekî bihêz ê Herêma Kurdistanê û Iraqê ye. Di serdana wî ya Akademiya Leşkerî ya Royal Sandhurst de, girîngiya alîkariya Brîtanya ji bo reformên Pêşmerge bi bîr xist."

Serokwezîr Mesrûr Barzanî ji bo beşdarbûna Korbenda Aborî ya Cîhanî ya Davosê roja 15ê Çile çûbû Swîsreyê.

Mesrûr Barzanî li Davosê ligel Serokê Fransa Emmanuel Macron, Wezîrê Derve yê Amerîka Anthony Blinken, Wezîrê Derve yê Brîtanya David Cameron û Şêwirmendê Asayişa Niştimanî ya Amerîka Jake Sullivan civiya.