"Çawa ku PKK tu carî ne nûnerê Kurdan e, DAIS jî ne nûnerê Mislimanan e"

PeyamaKurd – Alîkarê Serokomarê Tirkiyê Cevdet Yilmaz got, "Dijminê demokrasî û pêşketinê teror e. Li ku derê teror hebe, hûn nikarin ji maf û azadiyên xwe yên bingehîn sûd werbigirin."

Yilmaz di dema nîqaşên Plana Pêşketinê ya 12emîn a li TBMMyê de bersiv da pirs û rexneyên parlementeran.

"Li cihê ku teror hebe, hûn nikarin ji maf û azadiyên xwe yên bingehîn sûdê werbigirin"

Yilmaz, destnîşan kir ku demokrasî û pêşketin pêvajoyên bi hev re dimeşin in û got, ji Tirkiyeya ku demokrasiya wesayetî lê hebû, em hatine Tirkiyeyeke ku qada maf û azadiyên bingehîn berfireh bûye, avahiyên welayetî hatine tasfiyekirin û gel ji aliyê kê ve tê birêvebirin.

Yilmaz axaftina xwe wiha domand:

"Dijminê demokrasî û pêşketinê teror e. Li cihê ku teror lê hebe, hûn nikarin ji maf û azadiyên xwe yên bingehîn sûdê werbigirin. Hûn nikarin malbata xwe jî bigirin û biçin pîknîkê. Li cihê ku teror lê hebe, hûn nikarin kes û sermayeyên jêhatî bihêlin. nikare hawirdora veberhênanê pêş bixe.

Di hawîrdora terorê de sermaye direve û diçe cihekî din. Terorê zirara herî mezin gihandiye welatiyên me yên Kurd ên li Rojhilat û Başûrê Rojhilat dijîn.

“Çawa ku PKK ne nûnerê Kurdan e...”

“Çawa ku rêxistinên terorê, PKK tu carî ne nûnerên Kurdan e, DAIŞ jî ne nûnerê Mislimanan e. Pêdiviya me bi navbeynkaran nîne ku bi hevwelatiyên xwe yên Kurd re biaxivin û bi pirsgirêkên wan re mijûl bibin. Em her tim bi welatiyên xwe yên Kurd re behsa her cure pirsgirêkan dikin.

Tu guman li ser wê tune. Em rêzê li nasnameyan digirin. Em welatekî xwedî dîrok û kombûna şaristaniyê ne. Gelek rengên me hene. Gelek nasnameyên me hene. "Em rêzê li van hemû nasnameyan digirin."