Cezayên nû yên Yekîtiya Ewropayê li ser 'Rûsyayê'

PeyamaKurd – Seroka Komîsyona Yekîtiya Ewropayê Ursula von der Leyen got, "Ez pêşwazî li peymana li ser pakêta me ya 15emîn a cezayên ku fîloya siya Rûsyayê dike hedef dikim."

Welatên Yekîtiya Ewropayê (YE) li ser pakêta 15emîn a cezayên ku fîloya siya Rûsyayê jî dike hedef li hev kirin.

Di parvekirina ku li ser hesabê medyaya civakî ya fermî ya Macarîstanê ya Serokatiya Demî ya Yekîtiya Ewropayê hat kirin de wiha hat gotin: "Balyozên welatên Yekîtiya Ewropayê li ser 15emîn pakêta mueyîdeyên ku li hemberî êrîşên Rûsyayê yên li dijî Ukraynayê li hev kirin."

Di wê postê de hat destnîşankirin ku pakêta nû zêdetir kes û rêxistin xistiye lîsteya cezayên heyî û rêxistinên li Rûsyayê û welatên sêyemîn ên ku nerasterast bi dorpêçkirina qedexeyên hinardekirinê beşdarî pêşkeftina leşkerî û teknolojiyê ya Rûsyayê bûne jî bûne hedef.

Di daxuyaniyê de hat gotin ku cezayên nû wê çalakiyên keştiyên welatên sêyemîn ên ku ji bo piştgiriya Rûsyayê dixebitin jî sînordar bike.

Ursula von der Leyen di nivîsa xwe ya li ser mijarê de wiha got: “Hevkarên YE û G7 bi biryar in ku zextê li Kremlînê bikin. Ez pêşwaziya lihevkirina li ser pakêta me ya 15emîn a sizayan dikim, bi taybetî ku fîloya siya Rûsyayê dike armanc."

Nûnerê Bilind ê Polîtîkayên Derve û Ewlekariyê yê Yekîtiya Ewropayê Kaja Kallas got: “Divê em zextên li ser Rûsyayê xurt bikin. Baş e em dibînin ku pakêta 15emîn hat pejirandin."