Civîna PDK û YNKê, bi encamên erênî bi dawî bû

PeyamaKurd- Li gorî agahiyên ku hatin ragihandin, civîna îro ya Polîtburoya Partiya Demokrat a Kurdistanê (PDK) û Polîtburoya Yekîtiya Niştimanî ya Kurdistanê (YNK) ya li ser hilbijartinên Parlamentoya Kurdistanê bi dawî bû.

Piştî civîna ku îro li Hewlêrê hat kirin, endamên PDK û YNKê daxuyaniyeke hevpar da û bi rêya daxuyaniyê diyar kir ku “Di hevdîtinê de li ser encamdana hilbijartinan di dema xwe de pêwendiyên YNK û PDK û çend mijarên din ên girêdayî rewşa Herêma Kurdistanê, gotûbêj hatin kirin.”

Her wiha hat ragihandin ku li ser gelek mijaran hevtêgihiştinek erênî hebû û amaje bi wê yekê hat kirin ku “Hin mijarên din ên ku pêwîstiya wan bi guftûgoyên zêdetir heye, dê di civînên pêş de biryarên pêwîst li ser werin dayîn.”