Ciwanên Kurd bi Ala Kurdistanê besdarî Kongreya Gelan a Ewropayê bûn

PeyamaKurd – Endamên Kongreya Ciwanên Kurd (KYC) ya li derveyî welat, li Makedonyayê beşdarî civîna Ciwanên Partiya Gelan a Ewropayê bû.

Serokê Kongreya Ciwanên Kurd a li Derveyî Welat (KYC) Felah Hesen, beşdarbûna Kongreya Ciwanên Kurd bo wê civînê, wekî pêngaveke siyasî ya girîng ji bo Herêma Kurdistanê û doza gelê Kurd nirxand.

Felah Hesen ji medya Kurdistanê re daye xuyakirin: “Hebûna endamtiya KYC û siyasetmedarên Kurd û danîna ala Kurdistanê bi fermî li pêgehên navdewletî û siyasî, destkefteke mezin e ji bo gelê me û dîplomasiya Herêma me.”

Di civîna siyasetmedarên ciwan ên Ewropî ya li Makedonyayê de, ji 37 welatên Ewropayê û 61 aliyên siyasî ciwan beşdariyê dikin. Wê di civînê de rewşa dawî ya Herêma Kurdistanê jî bê gotûbêjkirin.