Dadgeha Arjantînê Îran weke "dewleteke terorîst" îlan kir

PeyamaKurd – Zêdetirî 30 sal piştî êrîşên ku balyozxaneya Îsraîlê li Buenos Aires kirin armanc, dadgehek li Arjantînê sûcdar kir Îran û ew wek "dewleteke terorîst" ragihand.

Zêdetirî 30 sal piştî êrîşên li ser Balyozxaneya Îsraîlê ya li Buenos Aires û Komeleya Îsraîliyên Arjantînî (AMIA) navenda Cihûyan, dadgehê Îran weke "dewleteke terorîst" ragihand û Îran ji êrîşan berpirsyar dît.

Dadgehê herwiha Hizbullaha Lubnanî sûcdar kir û êrîşa li dijî AMIA wekî "sûcek li dijî mirovahiyê" bi nav kir.

Di sala 1992yan de di êrîşa bombeyî ya li dijî Sefaretxaneya Îsraîlê de 29 kesan jiyana xwe ji dest dabûn. Piştî du salan kamyoneke bi teqemenî barkirî ket navenda cihûyan a AMIA û teqiya û di encamê de 85 kes mirin û 300 kes jî birîndar bûn.