DAISê li Kerkûk û Diyalayê êrîsî Hesda Seibiyê û hêzên Iraqê kir

PeyamaKurd –  Rêxistina terorê ya DAIŞê di demên dawiyê de êrîşên xwe yên li Iraqê û herêmên Kurdistanî zêde dike û herî dawî jî êrîşî Kerkûk û Diyalayê kir. Di êrîşan de li Kerkûkê 4 çekdarên Heşda Şeibiyê û li Diyalayê jî serbazekî Iraqî hat kuştin.

Çekdarên rêxistina terorîst a DAIŞê îro dane sibehê li Diyalayê êrîşî hêzên ewlehiya Iraqê kirin û tê gotin ku di encama wê êrîşê de mirî û birîndar hene.

DAIŞê li qezayê Taze ya Kerkûkê êrîşî hêzên Heşda Şeibiyê kir û di encamê de 4 endamên Heşda Şeibiyê kuştine.

Li navçeyên Daquq û Dubizê yên Kerkûkê jî 2 endamên Heşda Şeibiyê birîndar bûne.

Herwiha Navenda Çapemeniya Asayişa Kerkûkê daxuyaniyek da û diyar kir ku li herêma Gayda ya ser bi Kerkûkê ve 3 endamên rêxistna DAIŞê hatine kuştin.

Ji aliyê din ve li herêma Mexîs a ser bi Diyalayê ve jî DAIŞê êrîşek biriye ser hêzên asayîşa Iraqê lê derbarê wê bûyerê de zanyariyên zêdetir nehatin parvekirin.