Daxuyaniya Kurskê ya balkês ji Ukraynayê!

PeyamaKurd – Hat ragihandin ku artêşa Ukraynayê li herêma Kurskê ya Rûsyayê qadeke 1150 kîlometreçargoşe û 82 wargeh bi dest xistiye.

Civîna Serfermandariya Giştî bi serokatiya Serokomarê Ukraynayê Volodymyr Zelensky û bi beşdariya rayedarên payebilind ên leşkerî hat lidarxistin.

Serfermandarê Giştî Oleksandr Sirskiy ku bi vîdeokonferansê beşdarî civînê bû, der barê rewşa li eniya şer û geşedanên li herêma Kurskê de agahî da.

Sirskiy diyar kir ku li herêma Kurskê navendeke fermandariya leşkerî ya girêdayî artêşa Ukraynayê hat avakirin û wiha got: "Ji bo parastina hiqûq û nîzamê û bicihanîna pêdiviyên sereke yên gelê li herêmên kontrolê û Orgeneral Eduard navenda fermandariya leşkerî hat avakirin. Moskalev bû serokê wê."

"Bi giştî rewş di bin kontrolê de ye"

Sirskiy diyar kir ku leşkerên Ukraynayê ji serê sibê heta niha li nuqteyên cuda yên herêma Kurskê ji 500 metreyan heta 1,5 kîlometreyî bi pêş ve çûne.

"Leşkerên me 3 êrîşên dijber ên dijmin pûç kirin û çalakiyên xwe yên êrîþî didomînin. Ji destpêka operasyonê ve li herêma Kurskê hêzên me di parastina dijmin de 35 kîlometre bi pêş ve çûne. 1150 kîlometre çargoşe xak û 82 mezra ketine bin kontrola xwe. Bi giştî rewş di bin kontrolê de ye."

Di posta ku li ser kanala Telegramê ya Projeya Hochu jit (Ez dixwazim bijîm) ya Navenda Koordînasyona Çareserkirina Girtiyên Şer li Ukraynayê hat kirin de, hat ragihandin ku zêdetirî 100 leşkerên Rûsyayê li herêma Kurskê xwe radestî hêzên Ukraynayê kirine di 14ê Tebaxê de. Di dîmenên ku li ser kanalê hatin parvekirin de leşkerên Rûs ên ku dihat gotin dîl hatine girtin li erdê razayî hatin dîtin.