Dema hevdîtina heyetên Rûs-Tirk rejîmê 2 deverên stratejîk dorpêç kirin

PeyamaKurd - Hevdîtina şanda Rûsya û Tirkiyê ya ji bo Idlibê ku li Enqeerê doh 8ê Sibatê pêk hat, li gorî pêşveçûnên li erdê bê encam bi dawî bû û ti lihevkirinek çênebû.

Wezareta Derve ya Tirkiyê piştî hevdîtinên ligel şanda Rûsyayê ragihand tu wê danûstandinên li ser rewşa Idlibê hefteya bê berdewam bikin.

Dema hevdîtina şandên Rûsya-Tirkiyê dihat kirin, li gorî zanyariyên xwecihî rêjîma Sûrî herêmên “Îkard” û “El-Eys” ên stratejîk bi dest xistin û noqteyek din a Tirkiyê jî dorpêç kir.

Li gorî agahiyên dawî, niha jî qadeke biçûk navbera hêzên rejîma Sûrî û bidestxistina tevahiya rêya M5 de maye.

Li aliyê din Tirkiyê jî bi qasî 625 wesayîtên leşkerî ji bo piştgiriyê komên çekdar ên şerê rejîmê dikin, derbasî axa Sûriyê kirin.