Dersîm | 4 herêm heta dawiya salê wek `herêma ewlekariya taybet` hatin ragihandin

PeyamaKurd – Li parêzgeha Dersîm a Bakurê Kurdistanê, 4 herêm heta dawiya salê wek `herêma ewlekariya taybet` hatin ragihandin.

Li gor Parêzgeriya Dersîmê diyar kir,  bi sedema operasyonên di çarçoveya têkoşîna dijî terorê de ku bi biryara Serokkomariyê tên birêvebirin, herêmên Geliyê Eli û Çemê Kiran yên ser bi navçeya Xozatê û li herêmên Egerci û Karadere yên ser bi navçeya Pulurê heta 31ê Kanûna 2022an wek herêma `ewlekariya taybet a demkî` hatin ragihandin.

Parêzgerî di daxuyaniya xwe de eşkere dike, ev biryar bi armanca ewlekariya can û malê welatiyan hatiye wergirtin û di vê çarçovê de wê biryar bê cîbicîkirin.