Dîplomatê Amerîkî: Ligel Herêma Kurdistanê, pêwendiyên bas hene

PeyamaKurd- Rêvebirê Bernameyên Navdewletî yê Enstîtuya Leadershipê Ron Nehiring ku navenda wê li Amerîkayê ye, got ku "Herêma Kurdistanê, pêwendiyên xwe yên baş û demdirêj ligel Amerîkayê hene."

Ron Nehiring, di derbarê pêwendiyên Amerîka, Iraq û Herêma Kurdistanê de nirxandin kirin û got,

“Li Iraqê pêşketinek heye û divê rêz li mafên gelên Iraq û Herêma Kurdistanê bê girtin. Heta ku gelê Herêma Kurdistanê biryara pêşeroja xwe bide, divê rêz li statuya xwe bê girtin.

Divê biryarên di derbarê wan de li Amerîka û Îranê neyê dayîn. Girîngiyeke mezin li biryarên Îranê tê dayîn. Heger aliyên siyasî yên Iraqî yan Iraqî rêzê li mafên otonomiya Herêma Kurdistanê û mafên takekesî yên hevwelatiyan bigirin, dê baş be.”

Ron Nehiring, di dewama axaftina xwe de bal kişand ser siyaseta Îranê û got,

“Lê heger Îran hewil bide destêwerdanê di siyaseta Iraqê de bike, dê nerehetî û fikaran zêdetir bike. Divê hikûmeta niha ya Iraqê rêzê li mafên Kurdan, xweseriya Herêma Kurdistanê bigire. Divê pêşî li otonomiya Herêma Kurdistanê bê vekirin da ku Herêma Kurdistanê geşedana xwe bike.”

Nehirng, li ser pêwendiyên Amerîka û Herêma Kurdistanê jî got, “Pêwendiyên Herêma Kurdistanê yên baş û demdirêj ligel Amerîkayê hene. Amerîka bi baldarî geşedanên li Iraqê dişopîne."