"Em nikarin têkiliyên xwe yên bi Amerîkayê re pasguh bikin"

PeyamaKurd – Serokomarê Iraqê Ebdullatîf Reşîd got, “Pêwîstiya me bi têkiliyên dîplomatîk, siyasî û aborî yên bi DYA re heye. Em nikarin van têkiliyan paşguh bikin.”

Serokomarê Iraqê Ebdulletîf Reşîd di daxuyaniya xwe ya ji bo El-Heddad de wiha got:
Dabînkirina aramî û asayîşa Iraqê garantiya vegera wê bo nav rêzên civaka navdewletî ye.”

Serok Reşîd balkişand li ser wê yekê ku hebûna hêzên Amerîka û hevpeymanan li Iraqê di çarçoveya rêkeftina ligel hikûmetê de ye, ji ber wê jî pêwîste hemahengî ligel aliyên siyasî û parlamentoya Iraqê ji bo vekişandina wan hêzan hebe.

Reşîd diyar kir ku hebûna hêzên hevpeyman li Iraqê bi hebûna rêxistina terorîst a DAIŞê ve girêdayî ye ku heta niha jî metirsî li ser Iraqê ye.

Serokomar Reşîd got, "Pêdiviya me bi têkiliyên dîplomatîk, siyasî û aborî yên bi DYAyê re heye. Em nikarin van têkiliyan paşguh bikin."