Erdogan û Pûtîn mijiarên têkildarî Sûriye û Ukraynayê gotûbêj kirin

PeyamaKurd – Serokomarê Tirkiyeyê Recep Tayyip Erdogan û Serokê Rûsyayê Vladimir Pûtîn bi rêya telefonê axivîn.

Serokatiya Ragihandinê ya Serokomariya Tirkiyeyê ragihand ku di pêwendiya Erdogan-Pûtîn de, têkiliyên herdu welatan û mijarên herêmî hatine axaftin.

Hat diyarkirin ku pêşhatên şerê Ukraynayê û xebatên bo peymana zad û geşedanên Sûriyeyê jî hatin gotûbêjkirin.

Biryar bû Erdogan û Pûtîn beşdarî merasîma Santrala Elektrîka Nukleerî ya Akkuyu bibin ku Erdogan ji ber nexweşiyê beşdarî nekir.

Erdogan di pêwendiya telefonî de, spasiya Pûtîn ji bo alîkariyên Santrala Akkuyu kir û Pûtîn jî selametî jê re xwest. Piştî vê pêwendiyê jî herdu serok bi rêya vîdyoyê beşdarî merasîma li Santrala Akkuyu bûn û gotarên xwe pêşkeş kirin.