Erebistana Siûdî bi fermî bû endama BRICSê

PeyamaKurd – Hate ragihandin ku endamtiya Erebistana Siûdî ya Koma BRICSê ku ji aliyê welatên Brezîlya, Çîn, Rûsya, Hindistan û Afrîkaya Başûr ve hatiye damezrandin, bi fermî dest pê kir.

Medya fermî ya Siûdî ragihand ku ji 1ê Çileya 2024an ve endamtiya Erebistana Siûdî ya koma BRICS a hevkariya aborî dest pê kiriye û ev dê pêgeha welat di cîhanê de bihêztir bike.

Hêjayî gotinê ye, di Lûtkeya 15emîn a BRICSê de ku Tebaxa 2023yan li bajarê Johannesburg ê Afrîkaya Başûr, hatibû lidarxistin de, welatên herî mezin ên berhemanîna hîdrokarbonê Siûdî û Îmarat jî di nav de, 6 welat bo BRICSê hatibûn vexwendin.

Koma BRICS, ji 1ê Çileya 2024an ve bi beşdariya Îran, Siûdî, Misir, Îmarata Erebî û Etiyopayê hate berfirehkirin.