Fermandarê Berê yê NATOyê: Ew ser, metirsiyê zêde dike

PeyamaKurd- Fermandarê berê yê Hevpeymaniya NATOyê James Stavridis, di derbarê çalakiyên Rusyayê de axivî û got ku "Çalakiyên Rusyayê yên li Behra Reş di nav avên bejayî yên navneteweyî de metirsiya şerê deryayî zêde dike." 

Ji ber ku zêdetirî salekê ye ku şerê navbera Rusya û Ukraynayê berdewam dike, êrîşa Rusyayê ya li ser keştiya barhilgir a bi navê Şukru Okan a li Deryaya Reş, di raya giştî ya navneteweyî de bû sedema matmayînê.

Fermandarê berê yê Hevpeymaniya NATOyê Amiral Stavridis îdia kir ku tevgerên Serokê Rusyayê Vladimir Putin ên ji bo mudaxelekirin û astengkirina keştiyên li Deryaya Reş, dibe ku rewşê li herêmê veguherîne şer.

Stavridis ku di navbera salên 2009 û 2013yan de efserekî payebilind ê NATOyê bû, got ku “Kiryarên Rusyayê yên li Deryaya Reş, di nav avên bejayî yên navneteweyî de metirsiya şerekî deryayî zêde dike. Heger Rusya dest bi desteserkirina keştiyan bike yan jî hewil bide wan bigire, ez difikirim ku NATO dikare piştgiriya korîdora mirovî ji keştiyan re çêbike."

James Stavridis, di dewama axaftina xwe de got, "Li Deryaya Reş hêzên deryayî yên Rusyayê ji aliyê leşkerî ve gelek xurt e. Hêzên NATOyê dikarin bi keştiyên ku genim hildigirin, bi hewa yan jî bi deryayê ve bibin."