Guterres banga lêkolîneke hûrî bo êrîsa Zaxoyê kir

PeyamaKurd - Sekreterê Giştî yê Neteweyên Yekbûyî (NY) Antonio Guterres, li ser êrîşa roja Çarşemê ya artêşa Tirkiyê bi ser gundê Perexê yê Zaxoyê de, daxuyaniyek belav kir û daxwaza lêkolînê bo topbarana devera geştyariyê kir ku 9 kes hatibûn kuştin û li dor 30 kesan jî birîndar bûbûn.

Antonio Guterres di daxuyaniyê de got: “Divê lêkolînên bi hûrgilî li ser bûyera topbarana Zaxoyê were kirin. Herwiha ez sersaxiyê li malbatên qurbaniyan dikim, hêviya başbûnê ji bo birîndaran dixwazim.”

Nûnera Taybet a Neteweyên Yekbûyî ya li Iraqê Jeanine Hennis-Plasschaert jî berî niha êrîşa li Zaxoyê şermezar kiribû û dabû xuyakirin: “Careke din xelkê sivîl dikevin bin bandora topbaranê, ku li gor yasayên navdewletî nabe êrîşî xelkê sivîl were kirin.”