Hatîmogullari: Gelê Filistînê yek ji gelên herî mezlûm e

PeyamaKurd - Hevseroka Giştî ya DEM Partiyê Tûlay Hatimogullari di axaftina xwe ya mîtînga 1ê Îlonê Roja Aştiyê ya Cîhanê de diyar kir ku di hêrişên li ser Xezzeyê de zêdetirî 40 hezar kesan canê xwe ji dest dane û gelê Filistînê yek ji gelên herî zêde mezlûm in e.

Tulay Hatimogullari got: "Dema em tenê sala borî dinirxînin, di hêrişên li ser Xezzeyê de zêdeyî 40 hezar kesan jiyana xwe ji dest dan. Îro gelê Filistînê yek ji gelên herî mezlûm ê vê herêmê ye."

Hatîmogûllari di çalakiya taştê ya bi "Dayikên aştiyê" re ku ji aliyê Meclîsa Jinan a DEM Partiyê ya Stenbolê ve li Okmeydaniyê bi mebesta 1ê Îlonê Roja Aştiyê ya Cîhanê hate lidarxistin de axivî û balê kêşa ser gringiya aştiyê.

Hatîmogûllarî bi mebesta 1ê Îlonê Roja Aştiyê ya Cîhanê banga çareseriya aştiyane ya pirsgirêka Kurd kir û got: “Bêyî çareseriya pirsgirêka Kurd, aştî li vî welatî pêk nayê. Ger ku aştî pêk neyê, ne pêkan e ku em li ser dadwerî û aramiya vî welatî bipeyivin."

Di derbarê şerê li Filistînê de jî Hatîmogûllari wiha got:

"Dema em li Xezzeyê dinêrin, tenê sala dawî, bêyî pergala îstîsmarê ya sedsalî, di êrîşên li ser Xezeyê de zêdetirî 40 hezar kesan jiyana xwe ji dest dan. Îro gelê Filistînê yek ji gelê herî mezlûm e. Herêm."

Hatîmoglûllarî diyar kir ku ew wek partî wek hemû gelên bindest li cem gelê mezlûm ên Filistînê ne û wiha got: "Em careke din bi taybetî ji vir bang li hikûmetê dikin. Bi rastî jî li cem gelê mezlûm rawestin. Gelê Filistînê diêşe, gelê herêmê diêşe."