"Hevdîtin ne bes in, divê deriyên Îmraliyê bên vekirin"

PeyamaKurd - Hevseroka Giştî ya Partiya Wekheviya Gelan û Demokrasiyê (DEM) Tulay Hatîmogullari derbarê pêvajoya nû ya çareseriyê de got, "Ev civîna li Îmraliyê tê kirin, têrê nake. Divê deriyên Îmraliyê bên vekirin."

Hatîmogullari di civîna gel a girseyî ya ku roja Yekşemê 5ê Çileya 2025an li Diyarbekirê hat lidarxistin de axivî.

Hatîmogullari bal kişand ser geşedanên li Sûriyeyê û wiha got: "Em geşedanên li Sûriyeyê dişopînin" û wiha got: "Em geşedanên li Sûriyeyê ji Behra Sor heta van axan li her deverê dişopînin. Divê mejiyê dewletê van tiştan analîz bike. Gelê Kurd tevî êrîş, şer û pevçûnên zêdeyî 40 sal in li çar parçeyên Kurdistanê dijî. Têkoşîna xwe ya ji bo hebûnê berdewam kir û têkoşîna xwe berfireh kir dikare li Rojava rêveberiya xwe ya xweser ava bike, ev ji bo gelê Kurd serkeftinek pir girîng e."

"Em di qonaxeke şikestina dîrokî re derbas dibin." Hatîmogullari destnîşan kir, "Di vê noqteya şikestinê ya dîrokî de yan wê şikestineke erênî çêbibe û em ê aştiyê ava bikin, yan jî wê şikestineke neyînî çêbibe û Xezze li her derê be."

Tûlay Hatîmogullari bi bîr xist ku şandeya DEMê serdana Abdullah Ocalan ê li Îmraliyê di bin tecrîdê de ye kir û got, “Ev hevdîtina li Îmraliyê têrê nake” û ev tişt anî ziman:

"Divê deriyên Îmraliyê bên vekirin, şert û mercên fizîkî yên ku birêz Ocalan ne tenê ji bo aştiya Tirkiyeyê, ji bo aştiya tevahiya Rojhilata Navîn tê de karibe bixebite."